O le aso ua folafola ai e le malo pe a male 4afe tagata o aiga o tagata Ukraine o loo i totonu o Niu Sila, o le a mafai ona malaga mai i Niu Sila i lalo o seisi polisi fou ua faatulaga ele malo faatatau i Ie tulaga o loo iai lea atunuu mai osofaiga a Lusia.
O le minisita o femalagaaiga Kris Faafoi na ia folafola i le aso le 2022 Special Ukraina Policy lea o le a mafai ai ona faatino le tulaga lea ile faataga mai o tagata sitiseni Niu Sila na soifua ane i Ukraine faatasi ai ma tagata Ukraine ua nofomau i Niu Sila e aumai o latou aiga mai Ukraine o loo lamatia soifua, i totonu o Niu Sila nei.
O le mau a le komesina a malo aufaatasi i tulaga tau I tagata sulufai e faapea o le crisis aupito i vave lea ona toatele ai tagata ua sulufai solo mo se fesoasoani i totonu o Eulopa talu mai le taua lona lua o le lalolagi.
Saunoa foi Faafoi o le ituaiga visa faapitoa tulaga ese foi lea ua faia e Niu Sila e fesoaoani ai i lenei manaoga faavaomalo o loo tulai mai i nai ia foi tagata. I lalo o lea visa fou o le a tatala ai le omai o ia tagata amata atu i le aso seia atoa le tausaga atoa ma o lea tuuina ia i latou ni visa faigaluega tai lua tausaga e mafai ai ona faigaluega ma faaaoga a latou fanau pe a taunuu mai i Niu Sila.
