O se tamā e 51 tausaga mai Aukilani i Saute ua ia ioeina moliaga o le fasioti tagata faamoemoeina, i le ono masina talu ai lea na iai le faalavelave na mu ai se fale i Manurewa.

Ua lipotia e le Herald i le asō, na tulai Poi Tinei i luma o le faamasinoga maualuga i Aukilani ma tuuina ai lana tali i lona moliaga.

Ua toe taofia e faatalia ai le lauina o lona iuga. O loo ta’ua i le lipoti na valaau ane le tineimu i se fale a le Kainga Ora i Nina Place i le vaveao o le aso 18 o Setema, i totonu o le fale lea na maua iai o Teao Ida Wiki lea e iloa foi e nisi i lona igoa o Lumpy.

O le faaiuga o le masina o le a faamautinoa mai ai se aso e lauina ai le iuga o Tinei.