O le tamā i le va o le 60 – 65 tausaga na tulai i luma o le faamasinoga maualuga i le vaiaso nei e tali moliaga o le faia o uiga mataga i se teineititi i lalo o le 16 tausaga le matua.
E leai se loia na tulai mo lea tamā ma na tulai lava o ia i luma o lana afioga i le Faamasino Niavā Mata Tuatagaloa ma tuu atu lana tali ioe i moliaga e lua faasaga ia te ia.
O lē ua molia e faapea na ia faia nei uiga mataga i le ua aafia i le Aso 13 o Aperila 2021 i Saoluafataal. O le taimi lona lua na faia ai nei gaioiga o se faia o aso ae le’i oo i le faaiuga o lea masina.
Na faailoa e le faamasino i lē ua molia o tuuaiaga ma moliaga nei e lē vaai māmā iai le faamasinoga ma e faia foi faasalaga talafeagai.
Ua faamauina e le faamasinoga lana tali Ioe i ona moliaga ma ua tolopo nei le mataupu i le Aso 11 o Mati mo le lauina o lona faasalaga.
