Samoa Court

Ioe se tamā i le faia o ni uiga mataga i se tamaitai

E 22 tausaga o se tamaitai na aafia i se faiga aiga faamalosi i le Aso 7 o Fepuari 2019 i le motu tele i Salafai lea ua ioe nei e lē o loo molia ona tuuaiga o le faamalosia o lea tamaitai.

E tolu aso na faagasolo ai lea mataupu i luma o le faamasinoga maualuga i luma o le tamaitai Faamasino ia Tafaoimalo Leilani Tuala Warren lea na suia ai lona le tali a le tamā ia Aiolupotea Kipoe Teo Sialii mai le leai i le ioe.

E leo mafai ona faailoa le igoa o lē na aafia ona o puipuiga peitai ua na’o lē na faia le solitulafono lea ua mafai ona faailoa lona igoa ma ona foliga. O lē na aafia ma Aiolupotea e sosoo o la fale i lo la nuu i Savaii. Na ripotia lenei gaioiga i le matagaluega o leoleo i le masina o Aperila o le tausaga e 2019 ina ua faasoa le tamaitai ma aafia i le Faletua o le Ekalesia. 

Na faailoa e lē aafia e le fia manatua le aso na tulai mai ai lenei faiga lē alofa sa oo ia le ia le fefe ma tigā. Na ia taua foi se gaioiga a Aiolupotea e pupuni lona gutu (sei tulou) ia aua nei leotele pe valaau mo se fesoasoani.

O loo taofia pea le o loo molia i le vaaiga a leoleo seia toe tulai mo lona iuga i luma o le faamasinoga maualuga i le masina fou. 

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required