Ua ioeina e le fomai na pepelo ona maua lana galuega i le falemai i Middlemore i Aukilani ona moliaga.
Na tulai Yuvaraj Krishnan i ona moliaga fou e 13 i luma o le faamasinoga faaitumalo i Manukau e aofia ai le pepelo o le CV, o le tusipasi faafomai faapea ai ma nisi o tusi e lei sa’o ona fai.
Ua 30 tausaga o lē ua molia ma o le aso 10 o Aokuso o le tausaga nei lea na tuli ai e le falemai ina ua fesiligia e se tasi o tagata suesue ona faailoga faafomai.
I ona moliaga fou o loo aofia ai foi ma se tasi o pepa na ia pelogia ai le faamasinoga maualuga i Aukilani e faatatau lava i lona lesitala o ia o se fomai.
O loo tatala nei i tua i lalo o tuutuuga lē ua molia e tālia ai lona iuga e lau ia Fepuari o le tausaga fou.
