A itiiti mai pe 25 tagata ua lipotia ua maliliu ina ua mū se falekalapu i Initia, ma ua ta’ua o loo aofia ai ma turisi i a i latou ua maliliu.
Ua faailoa i le CNN e le Minisita o Pramod Sawant, ole afi na mafua mai i mea faapāpā poo fireworks na faia i totonu o le kalapu i Arpora village lata i le vaeluaga ole po.
Na ta’ua muamua e leoleo na mafua le afi o se cylinder na pa na sasao ai le afi peitai i le mae’a o suesuega muamua na faia ua faailoa ai e le Misnitia o mea faapāpā na amata ai le afi.
Ua faailoa o le toa 14 o e ua maliliu o le aufaigaluega i lea kalapu ae lē mailoa poo fea atunuu o turisi ia ua fetaua’ina ua maliliu ai.
E toafitu isi o loo togafitia ina ua manavaina le asu mai le mū ae ua pue e leoleo alii pule e toafa mai le kalapu lea.
O molimau a tagata na ta’ua ai na matuai faatumulia le kalapu ma pe a ma le toa 100 tagata sa i luga ole dancefloor ae tupu loa ma le faalavelave.
O loo faagasolo i le aso suesuega i lea faalavelave.
Puna o Faamatalaga: zhttps://edition.cnn.com/2025/12/06/asia/goa-nightclub-fire-india-hnk-intl
