Ua feiloa’i sui o le faigamalo a Amerika i Uosigitone ma minisita o le va i fafo a Greenland ma Denmark a o māta’itū ai pea e le lalolagi le faamoemoe o Amerika ina ia pulea Greenland.
O le minisita o le va i fafo a Denmark o Lars Lokke Rasmussen sa ia ta’ua o talanoaga na faia ma le sui peresetene o Amerika, JD Vance ma le failautusi o Amerika o Marco Rubio, ma o talanoaga tuu sasa’o peita’i e le’i maua se tali e malilie autasi iai.
Fai mai le minisita ua mae’a ona o latou faamanino lelei ia Amerika e lē ioeina e Denmark lo latou puleaina o Greenland.
O le mae’a o le fonotaga ua lipotia ai e le BBC le faamatalaga mai ia Denmark o le a aveina atu ana vaega’au i Greenland, o lona teritori.
Ta’ua e le minisita o le va i fafo a Greenland o Vivian Motzfeldt o loo matala lava le faitoto’a e galulue faatasi ai ma Amerika ae latou te tetee i se tulaga e puleaina ai i latou e Amerika.
Ua faailoa le lagolago o isi atunuu o Europa ia Greenland, e pei o Sweden faapea foi Farani ma Siamani.
Puna o Faamatalaga: https://www.bbc.com/news/articles/cx20vzz0g8vo
