Ua faailoa e le Palemia o Greenland, Jens Frederik Nielsen e filifili e ona tagata Denmark ae lē o Amerika pe afai e fesiligia i latou e fai sa latou faai’uga i le taimi nei.
O faamatalaga ia na saunoa ai le Palemia i le feiloa’iga ma tusitala faatasi ma le Palemia o Denmark e faatatau i le matāupu ia Greenland ma fuafuaga ua folafola e Trump.
O le mau a Trump e pei ona lipotia i le BBC o Greenland e tatau ona pulea e Amerika ina ia puipui ai faasaga ia Lusia ma Saina ma ua faailoa ai se finagalo o le Fale Pa’epa’e e faatau Greenland ae lē o taofia ai ma le isi avanoa o le faaaogā o le latou malosi e ave faamalosia ai.
Na fesiligia Trump i sona finagalo i le finagalo faaalia o le Palemia o Greenland ae na ia ta’ua o le faafitauli lena a Greenland ma na te lē taliaina ma o le a avea lea ma faafitauli tele mo le Palemia o Greenland.
Puna o Faamatalaga: https://www.bbc.com/news/articles/c4g3kw5ezepo
