O le auga ma le faamoemoe o lenei aoaoga ina ia mafai lea ona lagolagoina lea o le teumalu lelei o measina a le atunuu o loo faapea ona teu i fale mataaga.
I se pepa o faamatalaga mai le Matagaluega o Aoga ma Aganuu, o se tasi lenei o vaega o loo fuafuaina o le galulue faatasi lea e faalautele le tomai e ala i le teumaluina o measina.
O le aoaoga e pei ona faagasolo sa faailoa ai nisi o vaega autu o lenei poloketi ma le vaaiga e tulimataia o le atinaeina lea o le vaaia lea o measina e ala i auala faatekonolosi e lagolagoina ai faamaumauga mo le atunuu, o faamaumauga o loo teuina ma nisi o vaega e mafai ai e le mamalu o le atunuu ona silafia mea eseese o loo i le fale mataaga.
O le poloketi o loo taumafai ai o loo faatupeina e le Malo o Amerika ma o se faafetai a le Matagaluega mo lenei faigapaaga auā le faatinoga o fesoasoani e ala i ana auaunaga.
