Ua maua i faamaumauga a le ofisa o faamaumauga a Niu Sila e tusa ma le tasi vae tolu o tagata faigaluega o lea e galulue mai le fale.

O faamaumauga nei na sau i tua ananafi ua faamauina mo le kuata tausaga faai’u i le masina o Setema, ma o le aofa’i o tagata na galulue mai le fale i lea kuata e 898,700.

O le kuata o lea aofa’i, 240,000 o loo galulue mai le fale i aso uma o le vaiaso, ae o le 651,800 e iai aso e galulue mai ai le fale e iai foi aso e o ai i totonu o ofisa.

O galuega o loo maualuga ai ma o lea e i le tolu aupito i luga, o i latou i le vaega o faamaumauga ma fesoota’iga, galuega i itu tau tupe ma inisiua faapea ai ma itu tau tekonolosi.

Ae i fale faigaluega, o le silia ma le 40% o pisinisi o lea e ofoina mai le avanoa i tagata e galulue mai ai i le fale.

Puna o Faamatalaga: Figures shed light on number of New Zealanders working from home