O le tamaitai o Marise Payne, o le senatoa aupito i umi lea ona tautua i Ausetalia ae ua folafola i le asō lona malolo litaea mai upufai o malo i le faaiuga o le masina nei.

I se pepa o faamatalaga ua faalauiloa i le asō ua faailoa mai ai e le faipule o le Liberal e mitamita i le auaunaga umi 26 tausaga sa ia galue ai. 

Saunoa Payne o le maua o le avanoa e tautua ai i le atunuu i le umi sa iai o se faaaloalo maualuga ma e mitamita ai.

O le 1997 na muai ulufale ai Payne le Senate ma e tele avanoa o le Kapeneta sa galue ai i le faigamalo talu ai.

O isi avanoa na ia umia o le minisita o le va i fafo faapea ma le matagaluega o tamaitai.