Ua folafola e le ta’ita’i o le Itu Agai i Ausetalia nei, Peter Dutton o le a tuuina ni faasalaga faafalepuipui mo i latou e aofia i soligatulafono e faatatau i ni uiga faailogalanu faasaga i tagata Isaraelu pe afai e tula’i mai se faigamalo soofaatasi.
O loo faaauau pea ona alia’e faiga faapea i vaega o Ausetalia ua osofa’i ai malumalu tapua’i o tagata Isaraelu faapea foi ma fale o nisi o ta’ita’i o ia komiuniti.
E tele fuafuaga ua faailoa ua faataatia e faatatau i ia ituaiga soligatulafono.
Fai mai Dutton o le lē mafai ona faatino e Albanese o se tulaga faapea o se vaivaiga foi lea o lana ia ta’ita’iga ma ua ia lu’i ai le Palemia ia faia sa latou fonotaga i le mataupu.
I sana faatalanoaga ma le ABC na ta’ua ai e le alii Palemia o loo tali atu lana faigamalo i uiga ia i soo se avanoa o loo mafai ai ma tofia foi se tagata e iai le tomai i mataupu faapea ina ia fesoasoani i taumafaiga ua faia faasaga i tagata Isaraelu.
Puna o Faamatalaga: https://www.abc.net.au/news/2025-01-20/coalition-vows-minimum-jail-terms-for-anti-semitic-acts/104836490
