Ua tatalaina i le vaiaso nei i le ogatotonu o Melepone se vaega fou o fale ua faaagaga mo tagata mautotogi mo se taimi faaumiumi aemaise o le saogalemu mo i latou o le a faaaogāina ia nofoaga.

O le fuafuaga a le Malo ua faaigoa Build to Rent lea ua faataatia ai lea fuafuaga ua fausia ai fale fou e mautotogi ai tagata.

Saunoa le minisita o fale, Clare O’Neill o loo taula’i le faigamalo i le tuuina atu i tagata Ausetalia o nisi avanoa i tulaga tau mautotogi, rental options e pei ona pasia talu ai nei i le Palemene fesoasoani o le a ofoina i lalo o lea polokalame.

I lalo o lea fuafuaga fou e tatau ai ia i latou e faafoeina ia fale ona ofo atu lisi e ta’i 5 tausaga i tagata mautotogi ma ofoina foi se tau faamāmā avega mo i latou e itiiti tupe maua.

Fai mai o le faiga fou lea ua faata’ita’i ai i le faiga o loo faatino i Amerika ma Peretania.

O le Aso Lulu o le vaiaso nei ua fuafua e faalauiloa ai e le faigamalo se lipoti e faatatau i lana tala faatatau o le tupe ma o loo faatalitalia foi e le to’atele.

Puna o Faamatalaga: https://www.9news.com.au/national/build-to-rent-properties-promising-longer-tenancies-and-more-security/7f2abb95-5d24-4785-83cb-300258699f76