I se tasi o tala i lea lava taaloga, o le Aso Lulu o le vaiaso nei na amata ai le taamilosaga o le lakapi liki le Islands of Origin lea na taaalo muamua ai le Puleono Blues ma le Tumua Maroons ma sa faia lea taaloga i le malae a le Malisi i Lotopa.

Ua faailoa e le Peresetene o se taamilosaga ua 4 nei tausaga o faagasolo ma ua faafetaia ai se tasi o a latou paaga totino e lē o muta le lagolago atu pea, e lē gata o le Toa Samoa ae o le taamilosaga ua amatalia aemaise o le atina’e o le taaloga lakapi liki le kamupani o le PacificEzy.

E sefuluafe le foai a le kamupani ua lagolago ai i le taamilosaga o le Islands of Origin. 

O le taamilosaga lakapi a le Aukilani Samoa, o le taamilosaga tagāpolo a le Malisi, ma le taamilosaga o le Islands of Origin i le lakapi liki o nisi ia o lagolago autu ua foai iai le Pacific Ezy.

O le Puleono Blues o loo umia le siamupini o le taamilosaga o le Islands of Origin.