Fitu pitonuu o Aukilani lipotia mai ai fale faaleagaina i pulufana anapo
Lipoti mai leoleo e fa fale na tafana i le va o le toe 6:40pm i le 7:40pm anapo, ma o pitonuu na ta’ua mai ai o Papatoetoe, Otara, Flat Bush, Papakura, Henderson, Mt Albert ma Te Atatu.

Mai leoleo I le taeao nei o se po pisi ma o loo faaauau pea suesuega e faamaonia pe moni o nei osofaiga e fesootai ma kegi.

Ae i lipoti a le Herald e talitonu ua faatetele le va o le Killer Beez ma le Tribesmen
Leai se isi na faamanu’alia e tusa ma lipoti tuuina mai I le taeao nei, seia vaganā fale ua faaleagaina i pulufana.

Mai le taitai o le National Christopher Luxon I le taeao nei ua ia faailoa ua tatau i le malo ona faamamafa ma faia se isi gaioiga ona ua tupu soo, ma o lea ua fitu i le po e tasi.

Ua faatalosagaina ai foi e Luxon le tatau ona faia o se unit faapitoa a leoleo e vaaia laau malosi