O se tasi o ofisa faaletulafono, prosecutor i Fiti lea na faamālōlō lē tumau ua ia ta’ua na ofo atu faalilolilo e le malo ia te ia se totogi o le payout ina ia faamavae ai.
Ua faailoa e Christopher Pryde o se alii Niu Sila na ofo atu lea tupe ia te ia tusa e $150 afe tala Niu Sila ina ia faamavae ai ma ‘alofia ai le faia o se su’esu’ega i ni tuua’iga faasaga ia te ia.
Fai mai le RNZ sa teena e Christopher lea ofo ma e le’i fia auai foi i le faamasinoga o le mataupu lea i le vaiaso talu ai ma lana faamatalaga e le’i mafai ona ia tula’i mo ia lava ona o le lē lava o le itu tau tupe.
Fai mai a ia o loo manana’o le malo e aveesea o ia, o se vaega lea o a latou fuafuaga e aveesea mai tagata mai atunuu i fafo poo foreigners ae sui atu iai tagata Fiti.
Ua faailoa e le RNZ ua tuu atu nei ia tuua’iga i le faigamalo a Fiti poo le ā sana tali iai.
Puna o Faamatalaga: https://www.rnz.co.nz/international/pacific-news/536405/fiji-s-suspended-prosecutor-claims-govt-offered-secret-payout-to-resign-as-part-of-ethno-national-agenda
