Ua tali le Malo Sosoofaatasi, i le siitia o tupe maua mo aiga i le tausiga o fanau – FamilyBoost Childcare tax rebate – e pei ona iai le faamoemoe e fesoasoani ai i le 130,000 o aiga e maualalalo ma feololo tupe maua, i le faaopoopo o tupe maua i le oo atu lava i le $75 e faaopoopo i le vaiaso.
Faaalia e le Minisita o le faaitiitia o le matitiva o tamaiti – Child Poverty Reduction – Louise Upston, e faaauau lana tautua ofo i le siitia lea o tupe faalafoga toe faafoi mo aiga faigaluega – Working for Family In-Work Tax Credit, mai le tausaga fou.
E $25 i le vaiaso o le a siitia iai tupe faaopooopo mo aiga e maualalalo ma feololo ane tupe maua mo aiga faigaluega.
Ma sa ia faaalia ai, o tupe faalafoga toe faafoi ua siitia i luga talu mai le faigamalo a le National i le 2015.
