E eseese finagalo faaalia e faatatau i le sainia e le Minisita o Femalagaa’iga o Andrew Giles o se isi faatonuga ua faigata ai i tagata solitulafono e lei soifua ane i Ausetalia ona aumau i le atunuu.
O le Ministerial Direction 110 o le a sui tulaga i le Ministerial 99 lea e tele foi iai faitioga.
O le faatonuga lea sa sainia e le minisita i le tausaga talu ai sa fautuaina ai le AAT poo le Administrative Appeals Tribunal e silasila i sootaga o se tagata i Ausetalia pe a iloilo o latou talosaga i visa.
Fai mai la le minisita o le faatonuga fou ua sainia nei e ave ai le faamuamua i le puipuia o komiuniti i Ausetalia ae lē o sootaga o se tagata i Ausetalia ma o le a faamalosia foi e Ausetalia lea tulaga.
O le aso 21 o Iuni e amata faamamalu ai lea Direction poo le Faatonuga.
E eseese finagalo faaalia o tagata i lea mataupu ma le faia soo o suiga i tulaga mo talosaga i visa i totonu o Ausetlia.
Puna o Faamatalaga: https://www.9news.com.au/national/immigration-minister-andrew-giles-new-direction-110/e942c1d4-17f0-4210-9b27-e2ab3ae19b76
