O Tohu Harris lea o le a taitaia le NZ Warriors i le taamilosaga o le tausaga nei a le NRL ina ua toe foi mai le ‘au e faamautu i lona nofoaga autu i Mt Smart stadium i le mae’a o se taimi sa faamautu ai i Ausetalia.
O Harris, 31 tausaga ma ua faailoa e le faiaoga o le ‘au o Andrew Webster i le lipoti a le Newshub, ua fiafia ua maua le avanoa e galulue faatasi ai ma Harris ma e tele lona sao i le kalapu.
Saunoa foi le alii taalo i le lipoti lea ua lagona le faagaeetia i le mafai ona maua lea avanoa i se taamilosaga aupito tāua foi aemaise o lea ua toe foi mai i fanua e faamautu ai ma ua sauni foi e toe taaalo i luma o a latou fans ma le atunuu ma toe faamautu foi sootaga ma le aumaimoa.
