Mai le to’afā o i latou sa faia iai le filifiliga, ua tusi aao nei le malo e ala i se faai’uga a le Kapeneta e filifilia se faauluuluga fou poo se Ofisa Sili mo le pulega o se tasi o auaunaga a le malo, le faaputugatupe teu faafaigaluega o mavaega tausi a Samoa le U.T.O.S poo le Unit Trust of Samoa.
O lea filifiliga ua faamaonia ai le avea o se isi alo tamaitai o le atunuu ua to’alua ia te ia tamaitai ua avea ma Ofisa Sili o lea faalapotopotoga a le malo o le tofa Malaeulu Aysha Perlina Rimoni.
Ua suitulaga o ia i le tofa Tevaga Viane Tagiilima ua ono tausaga o avea ma faauluuluga o le UTOS, peitai ua faailoa e le ofisa sooupu o le malo e lei toe talosaga lea tamalii i le tofiga Ofisa Sili.
O Maleulu Aysha ua lua ana nofoaiga ta’i tolu tausaga i le tulaga o le Ofisa Sili lagolago o le UTOS e pei ona sa galue ai o se chief investment analyst.
O loo ia umia ni faailoa e pei o le Bachelor of Commerce with honors i faamatalaga faasaienisi ma le Bachelor of Commerce i mataupu tau tupe ma faamatalaga faasaienisi mai le Iunivesite o Otago i Niu Sila.
O loo ia umia foi nisi o faailoga tusipasi maualuluga.
O le ulua’i tamaitai sa avea ma Ofisa Sili o le faalapotopotoga o faaputugatupe teu faafaigaluega o mavaega tausi a Samoa o Sa’u Justina Sa’u Lam.
