Lipotia le feto’ai o taavale e lua a leoleo na aga’i atu e tali i se valaau mo se fesoasoani i se faalavelave na aafia ai se tagata na savali ane i le alatele i le itu i Matu o Aukilani.
Fai mai na feto’ai lata i le nofoaga na tupu ai le faalavelave a o taumafai le isi taavale e liliu tusa lea e lei ‘afa le 9 i le po anapo.
E tigaina manu’aga o le tagata lea na aafia e pei ona ta’ua i lipoti a le televise tasi ma sa aveina atu i le falema’i.
Na faailoa e le sooupu a leoleo o le isi a latou taavale sa taumafai e u-turn ina ia aga’i ai i le isi itu o le motorway lea na tupu ai le faalavelave ae feto’ai ai ma le isi a latou taavale na alu ane tonu i le taimi lea, fai mai le sooupu e leai se tasi o malu o le malo na aafia ae ua tuuina atu le su’esu’ega i le vaega o faalavelave tugā latou te su’esu’eina.
E lē o iai nisi faamatalaga o ta’ua e faatatau i le tagata na lavea ma le taavale na lavea ai ae o luga o le State Highway 1 e lata i Moir Hill Bridge lea na tupu ai le faalavelave.
Puna o Faamatalaga: https://www.1news.co.nz/2024/10/02/police-cars-collide-while-responding-to-crash-north-of-auckland/
