E foliga mai o le alii Amerika o Bryant Jennings le isi paga o le a sosoo ai a le alii o Joseph Parker e pei ona iai lipoti i le televise a Niu Sila i le asō.
Ua ta’ua i le lipoti ua toe agai Parker i ana toleniga i Egelani talu ona mae’a lana fusuaga talu ai ma Joe Joyce.
O luga o le tweeter na fai ai se faamatalaga a le alii fusu o Derek Chisora e faapea o Parker ma Jennings ua malilie i le fuafuaga lea ae le o iai se faasilasilaga aloaia mai le pule a Parker o David Higgins.
O Parker o loo tulaga valu pea i le taimi nei i le WBO ma tulaga 10 i le WBC.
O loo faatalia nei la se faamaoniga o ia lipoti.
