Ua lipotia i le vaiaso nei e le 7News le tuua’ia o le hooker a Manly o Manase Fainu i le faamanu’alia ai o se isi tagata. Feta’uaina i le lipoti o le alii taalo lea na ia  faaaogā se naifi tausami steak tulou i fafo ane o se nofoaga na faia ai se fiafia a se ekalesia ma faaoo ai manu’a i le tagata lea ina ua tulai mai se vevesi e pei ona feta’uaina.  

Sa teena e Fainu e 24 tausaga le tuua’iga lea i le faamasinoga faaitumalo i Paramatta. E lē o mautu mai le mafuaaga o le vevesi lea peitai i le lipoti lava lea na ta’ua ai na togafitia lē na aafia e se foma’i tausima’i pasi sa iai i le nofoga lea i le taimi o le faalavelave. 

O loo faaauau le mataupu i le faamasinoga ma tālia ai se isi lipoti lata mai ae o le alii o Manase Fainu e taalo i le lakapi liki mo Manly.