O le ofisa o le Komesina Maualuga o Niu Sila i Samoa ua na faatupe i se fesoasoani se a’oa’oga ua a’oa’oina ai nisi o tinā o le motu i Savaii i le gaosiga o oloa taulima aemaise lava oloa taulima ua seāseā ona toe vaaia ona ua moumou mālie atu tomai ma le silafia o ē sa latou gaosia.
O nuu e pei o Aopo, Auala ma Asau sa fili mai ai tinā sa latou a’oa’oina ia tomai, ma ua faailoa e le ofisa o le malo o Niu Sila, o se taunuuga lelei ina ua a’oa’oina tinā sa auai i le faaaogāina o fesoota’iga initaneti e faatau atu ai a latou oloa taulima e pei o ato, pulou, fala tapito, pale o maliu, o sei, ma isi oloa taulima.
Sa aofia foi i le polokalame fesoasoani a Niu Sila le a’oa’oina o le fofō poo le massage.
