Ua ofoina fua e aunoa ma se totogi le auaunaga a nisi o le au faafugaao poo otiulu tulou mo nai tagata e leai ni mea e nonofo ai, homeless i le aai o Adelaide i Ausetalia i Saute, Haircut for the Homeless.
Atonu o lea tulaga o le faafugaina o le ao e le o se mea tele i nisi ae e ese foi le lagona iai mo nisi o nai tagata ua faigata ona gafatia le tau o le soifuaga i le taimi nei ma ua leai ni fale e nonofo ai.
O le maua o lea avanoa o se faamanuiaga tele foi mo latou aua o le toatele ua le gafatia ona totogi ia auaunaga ona o le lē a’ua’u o le faasoa.
Fai mai o le taimi muamua lea ua faia ai sea tulaga i lea faaitu ma o loo galulue faatasi ai le BaptistCare i SA ma le Islamic Society.
Na ta’ua e le peresetene o le sosaiete lea pe ā ma le 5 afe i le aso le tupe na maua ma o le a fesoasoani i auaunaga faatino o lea polokalame e fesoasoani ai pea i nai tagata o loo moomia ma o loo iai le faamoemoe talosia ia faaopoopo ane nisi pisinisi ma faalapotoptooga e fesoasoani i lea taumafaiga.
