E $26 miliona ua faailoa mai e le minisita o aoga Chris Hipkins o le a tuuina mai e faaleleia ai totogi o avepasi o loo feoai i nuu i tua.
O lenei vaega tupe e amata avanoa mai i le amataga o le tausaga faaleaoaoga 2023, ma e faapitoa mo avepasi o loo feaveaia fanau aoga i nuu i tua.
Saunoa le minisita e tusa ma le 100,000 fanau aoga o loo nonofo i nuu i tua ma o loo fesoasoani iai le matagaluega o aoga i feoaiga ma o le fesoasoani ua faailoa mai o le a tutusa ai totogi o avepasi nei e feaveaia fanau aoga i tua ma avepasi o loo feoai i pasi o loo femalaga’i ai tagata lautele.
O lenei fesoasoani o le a faatupe ai totogi mo i latou nei i totonu o le 4 tausaga.
