E tele galuega faaleleia na faamoemoe mo le faitau selau o aoga ua fesiligia nei le taunuu ma le lē taunuu.
E oo atu i le 350 aoga o lea na faapea o le a faaleleia faleaoga, peitai ua lē ogatasi ma tupe e faatupe ai.
I se saunoaga a le minisita o aoga Erica Stanford, na ia ta’ua ai, ua lē tutusa le tele o polomisi na folafola e ala lea i galuega konekarate ma le tau atoa e faaalu i poloketi nei.
Ae i se saunoaga a le Palemia, Christopher Luxon i le taeao nei, o lea na fai polomisi i aoga ae leai se tupe e faatamoe ai.
Ua sili atu le tau nai lo le paketi ma ua tuua’ia ai e le minisita le soona faamaualuluga o fuafuaga ma o lea ua ia fai mai o le a faia se iloiloga faapitoa i polomisi nei na fai mai e faaleleia ai aoga.
O se faanoanoaga i le toatele o aoga o lea o loo tatali mai I galuega toe faafou ma le tele o poloketi na talanoaina, peitai e foliga mai ua le mafai ona taunuu.
O le fesili ua tulai mai e tusa ma saunoaga a le palemia, o le toe vaavaai lea o le malo pe tatau pea I le matagaluega o aoga ona ia faia poloketi konekarate nei pe leai.
