O loo sologa manuia le galuega i le fausia o le malaetaalo fou a Kalaiesetete, Te Kaha, peitai e faanoanoa le tala ua sau e ono lē faatupeina e le Council le aumaia o tagata iloga.
O galuega o loo faia nei o loo ogatusa ma le taimi o loo fuafua e tatala ai, Aperila 2026 ma o se malae o loo faatalitali iai le toatele o tagata Kalaiesetete.
Peitai ua lē atoa le fiafia i le fai mai o le Council e ono tolopo le Events Ecosystem Fund mo le tolu tausaga poo le vaegatupe lenei e faatupe ai polokalame tetele e faia i le malae fou ona o fuafuaga a le Council e faasao tupe.
O ni fuafuaga o loo toe fono ai councillors a Kalaiesetete i le asō e talanoa poo ā vaega e lomia i le fuafuaga ua faailoa mai a o lei alu i tua i tagata lautele mo faatalanoaga.
