O le vaiaso nei na feiloa’i atu ai le afioga i le Ao Mamalu o le Malo, afioga Tuimalealiifano Vaaletoa Sualauvi II ma lana Masiofo, i le tama’ita’i Kovana Sili o Niu Sila o Dame Cindy Davies ma lona to’alua, i se feiloa’iga i le maota o le Ao o le malo i Vailele.
Sa feofoofota’i ai ma fetufaa’i foi meaalofa, i le faamoemoe o le Kovana Sili ma lana aumalaga e tuua Samoa ma le faamoemoe e malaga atu i Tokelau.
O se tasi o manuao o le fuāvaa o le fitafita a Niu Sila na afea le uafu tele i Apia i le faai’uga o le vaiaso ua mavae i le faamoemoe e malaga ai le Kovana Sili ma lana aumalaga.
O le faamoemoe e auai i le faailogaina o le senetenali poo le selau tausaga talu ona pulea ma vaaia e le malo o Niu Sila motu o Tokelau.
