O loo faaauau pea ona fautuaina malosi le aai o Greymouth ina ia tautuanā le faapupuna lelei o suāvai taumafa a o le’i taumafaina, a o faasolo pea iloiloga ma su’esu’ega i le tau sa’ilia o le mafua’aga tonu o le feagai ai o vai a lea faaitu ma faafitauli, e pei ona faaleagaina ai le suāvai.
I le alia’e mai ai o lenei faafitauli, o loo laumanu’ia le ono lē maua lava o le vaega tonu na mafua ai lenei mataupu.
I le faaauau ai ona iai Greymouth i lalo o vaavaaiga faalesoifua mālōlōina, ua faailo e le ausu’esu’e e lē mafai lava ona aveese le poloa’iga ma fautuaga o le faapupuna o suāvai, se’i vaganā ai ua mae’a lelei aso e tolu (3) o su’esu’ega o faaalia, ua mamā lelei ma saogalemū le suāvai mo le taumafaina e aunoa ma se toe faapupunaina.
Na ta’ua e le sui o le itumalo o Greymouth, Tania Gibson, e fai lava sina faigatā o le mataupu o loo fetaia’i nei ma le aai, ma e lē o iloga lava ona lalata i le i’uga, ma ia faamatalaina le faigatā tele ona iloa tonu lava le mafua’aga o lenei faafitauli.
Ua māua i ripoti mai le letio faavaomalo a Niu Sila, ua lata nei i le vaiaso talu ona faamamaluina le poloa’iga , ma fautuaga mo i itu Sisifo o le aai ma nisi o faaitu lalalata ane, talu ai le faaleagaina o le suāvai mai se tasi o ālapaipa e lima o loo aga’i atu ai suāvai i maota ma laoa.
O loo faamauina le galulue o le puleganuu ina ia aveesea lenei poloa’iga peita’i o loo faia lava ma le faaeteete, se’i vaganā ai lava le maua mai o iloiloga o loo mamā le suāvai taumafa mo aso e tolu, faato’ā mafai ona o latou aveesea lenei poloa’iga faalesoifua mālōlōina.
Puna o Faamatalaga: Source: https://www.rnz.co.nz/news/national/558184/greymouth-boil-water-notice-still-in-force-cause-of-contamination-may-never-be-known
