O uluai cases poo tagata e toalua ua lipotia le aafia i le Kraken poo le XBB.1.5 lea ua ta’ua le oo mai i Niu Sila i le vaiaso talu ai.

Na saunoa ai le polofesa o Michael Baker e ui i le igoa ua faaigoaina ai lea ituaiga o subvariant o le koviti ae e tāua le silafia e tagata ua na o se tasi foi o variant o le omicron e ui e iai nai isi ona vaega o loo popole iai nisi. 

O le televise tasi ua lipotia ai i le vaiaso nei se finagalo faaalia o lea fomai faapitoa i gasegase e pei o le koviti e faapea, o le popolega lea ina nei toe aliae ai se isi wave fou o tagata aafia i le faamai.

Ta’ua e Baker o le mea aupito sili e ao ona faia o le faauma lea ona fai o ou tuipuipui ma tui faaopoopo o le faamai ma ia faatino pea tulaga tau le puipuiga masani e aofia ai le faia o siaki ma faanofoesea foi pe a faamaonia ua gasegase.

E le o mailoa i le taimi nei pe tigaina atu le Kraken nai lo isi variants muamua.