O le saunoaga a le Sui Palemia e avea ai ma sui o le Malo i le faailogaina o le 100 tausaga o le taaloga lakapi i Samoa na molimoli ai le faafetai ia i latou uma sa amatamea ma asaina le gasū o le tai taeao i le atina’e o le taaloga i le atunuu.
O lana faafetai foi ia i latou uma sa taaalo ma avea ma sui o Samoa i taaloga lakapi faavaomalo e lē gata i le ‘au tele o le Manu Samoa ae o isi aulakapi a alii ma tamaitai.
Na saunoa le Sui Palemia le afioga Tuala Tevaga Iosefo Ponifasio ma ia faaalia e iai le talitonuga o loo maua tupe ma le lotonuu faapea le lagolago a le atunuu i le lakapi, ae o lana tuualalo ma le fautuaga se’i toe saili poo le ā le mafuaaga e lapelapea ai le atina’e o le taaloga o loo sili ona aogā ma tvua i alo ma fanau a le atunuu.
Le afioga Tuala Tevaga Iosefo Ponifasio, le sui Palemia i se vaega o lana saunoaga na avea ai ma sui o le Malo i le faamanatu ai le selau tausaga ua atoa o le taaloga lakapi i Samoa.
O le Pelesetene o le Lakapi Samoa le tofa Namulauulu Sami Leota na fai ma sui o le puluega o le taaloga i le atunuu e tali fuaitau i le saunoaga aami o le faamoemoe.
Le Pelesetene o le Lakapi Samoa le tofa Namulauulu Sami Leota.
