E to’alua alii mai Melepone ua lipotia ua fasiotia a o iai i sa la tafaoga i Vietnam ma o loo taumafai o la aiga e toe faafoi mai i laua i Ausetalia.
Ta’ua e le 9News o Vincent Atulia 24 tausaga ma Andrew Colivas e 25 tausaga o ni alii fusu ma e lē o manino i le taimi nei pe na faapefea ona maliliu.
Ua ta’ua le galulue o nai o la aiga e saili fesoasoani mo o la toe sauniga.
Faamatala e le aiga o le alii o Andrew o ia o se tagata e lotoalofa ma foa’i ma e alofagia e ana uo ma aiga.
Ta’ua foi e le aiga o Vincent i lea lava lipoti o se alii e alofa i tagata ma faamuamua isi nai lo ia ma o lona aiga ma le Atua e ogatotonu i ana fuafuaga ma o se alii taalo lakapi foi.
Ua faailoa foi i le lipoti se faamatalaga mai le sooupu a le matagaluega o le va i fafo ma fefaataua’iga, o loo latou tuuina atu le fesoasoani faakonesula i ni tagata Ausetalia e to’atolu ma le aiga o se tagata na maliu i Vietnam.
Puna o Faamatalaga: https://www.9news.com.au/national/vietnam-death-two-melbourne-mates-killed-while-on-holiday/d16305ff-60db-4d96-b8cc-4f1f26e9b7c0
