Ua faamaonia le solitulafono a se tamaitai i le faaoo o le oti i lona tina ae sa ia faia se faamatalaga na mafua ona maliu si tina ona o se osofaiga na gaoia ai lona fale.
A ititi mai e 14 tausaga e falepuipui ai Isabela Carolina Camelo Gomez lea e iloa foi i lona igoa o Megan Jones na muai molia e leoleo i le 2019 ina ua toe tatala suesuega i lea mataupu.
O lona tina o Irene Jones na titina ma tatui sei tulou i lona fale i Lansvale ia Novema 2001 i se solitulafono ua faia e faafoliga e pei na osofaia le fale e ni augaoi.
O le aso ananafi na tuuina mai ai se faaiuga a le faamasinoga i le mataupu lea ma e 20 tausaga e falepuipui ai Gomez, faatoa agavaa i le palola i le 2036.
O loo ia teena pea lona aafia ai i le fasiotia o lona tina.
