E faitau afe le aofai o vaega o fitafita a le puipuiga a Ausetalia o le a sifi atu mai Ausetalia i Saute agai i Ausetalia i Matu ona o se gaioiga e faamuamua le faia o a latou toleniga i lea itulagi.
O le gaioiga lea e pei ona faalauiloa i le aso ananafi e le faigamalo o iai nei, o se gaioiga aupito ese lea ua faia i le silia ma le 10 tausaga e pei ona lipotia i le Sydney Morning Herald.
Pe ā ma le 800 fitafita o le a sifi mai Adelaide i Darwin, Townsville ma Brisbane a o lei oo i le 2025.
Fai mai e iai le vaegaau a le ami o le a faamautu i Adelaide e agai le latou auaunaga i auupega alualu mamao e aofia ai loketi e fausia mai Amerika.
