E le o faigofie le faanofoesea o tagata I o latou aiga, ma iu ai ina nonofo nisi I taavale ma fale taavale
O le laiti o fale o aiga faatusatusa I le aofaiga o tagata o nonofo ai, e le o mafai a ona faanofoesea I fale o aiga ma ua sau ai le talosaga ua moomia vave emergency accommodation
O lea o loo faaauau ona momoli e le Fono meaai I aiga o loo faanofoesea I o latou tagata I le fale, ma I totonu o le lua aso seia oo mai ananafi ua molimauina ai le alu I luga o talosaga mafua mai I cases fesootai ma lala e fa o le ekalesia I Aukilani I Saute
O le tala foi lea e tasi o loo maua mai I fesoasoani o loo auina atu I tagata fesootai ma se tasi o ekaleisa I Grey Lynn
Ao mafai ai la ona maua fesoasoani mo meaai, o le faigata o nofoaga faanofoesea o lea ua tele ina faaaoga e tagata homeless poo I latou e leai ni fale ma e maualuga le tulaga lamatia
Ona o lea, ua talosaga le Fono ua tatau ona faaavanoa mai potu mau totogi e iai motels poo rentals
I ripoti a le Newshub, e le na o le Fono lea foi e feagai ma fale tumutumu, e faapea foi le SouthSeas O le faigata o le faanofoesea I fale o aiga ae toatele, o le toe pepesi ai lava o le faamai
