O le faaiuga o le fusuaga, i le va o tamafanau a Samoa, le alii o Mark Hunt ma le alii o Sonny Bill Williams, na manumalo ai Mark Hunt ma toe molimauina ai le malosi o lenei alo o Samoa.
I le amataga na vaaia le malosi o le osofai mai o le alii ta’uta’ua o le lakapi, Sonny Bill Williams, peitai ina ua amata ona tutu lelei vae o Mark Huni o inā loa na molimauina ai le malosi ma le tomai o Hunt i le faatinoga o lenei taaloga.
Na faia’ina Williams i le TKO i le taamilosaga lona fa, ma ua faamuta ai e Mark Hunt le talaaga manumalo o Williams i ana fusuaga uma. Ua fesiligia ai foi e le toatele pe faamata e toe naunau pea Williams e faaauau i lana taleni fusu talu mai le faia’ina lea ua iai nei mai ia Hunt.
Ae mo Mark Hunt, ua 48 tausaga o lona soifua, e manatu nisi atonu o lana fusuaga faaiu lea ma faamavae ai loa i le maea, ae maeu se mataina ma le maoa’e o le faaiuga o lana taleni fusu.
