Ua faia’ina le aulakapi i lalo o le 20 tausaga a Niu Sila i le ‘au a Ausetalia i le la fetauiga i le po anapo ma o ‘ai o le taaloga, Ausetalia e 44 Niu Sila e 35, i le World Rugby Championships o loo faagasolo i Cape Town.
O sikoa a Niu Sila na maua e Caleb Tangitau, Malachi Alec Wrampling ma Jack Taylor.
Ua faailoa mai la o le Aso Toonai o le vaiaso nei taimi Niu Sila o le a taaalo ai loa Niu Sila ma Georgia mo le tulaga fitu i le taamilosaga ae o Aialani ma Farani o le a taaalo i le finals o le taamilosaga.
O le tulaga foi lea sa iai le ‘au a Niu Sila i le taamilosaga o le 2019 a alii lakapi i lalo o le 20 tausaga le matutua.
