O le a iai se suiga i tulafono o loo aofia ai le vaaia o tupe unclaimed money i le ofisa o lafoga a le atunuu, le Inland Revenue (IRD) e faatatau i le umi e mafai ai ona taofia e se faalapotopotoga ni tupe faapea.
O le faamatalaga lea mai le matagaluega lea na lipotia i le One News i le aso ananafi ma o le lisi o tupe ia e lei oo ane tagata e anaina fai mai a itiiti mai o le 100 tala.
O tupe ia a oo ina tuuina i le IRD, e latou te transfer agai i le ofisa o tupe seia oo ina agai atu le tagata e claim pe faailoa o ia e ana.
Fai mai o se tasi tagata e silia ma le 230 afe le tupe na transfer atu mai le ANZ.
Na saunoa se tasi sooupu o le ofisa i le lipoti lea o loo avanoa mai le lisi o suafa o i latou e ana tupe ia i luga o le latou upega tafailagi ma o totonu o le 25 tausaga e mafai ai ona claim e le tagata pe a taunuu i le IRD a mae’a lea taimi ona ave sa’o loa lea i le Crown e faaui atu i le ofisa o Tupe le Treasury.
O le suiga i le tulafono le Unclaimed Money Act ua na o le lima ai tausaga e mafai ona taofia ai tupe ia e ese mai le umi sa sau ai mai tausaga ua tuanai.
Puna o Faamatalaga: https://www.1news.co.nz/2024/06/05/surge-in-unclaimed-money-managed-by-ird