Faia suesuega i le sese o le malulu na teu ai vailaau o le tui

Ua filifili tagata toatolu latou te suesueina le sese ona teu o vailaau o loo faia ai tui

E le I sa’o le malulu o le aisa na teu ai le tele o vailaau o le Pfizer I Queenstown Lakes, ma e foliga mai ai o se sasi ua fesiligia ai nei le puipuia atoatoa o le latalata I le 1600 tagata Queenstown Lakes ma Central Otago ua uma tui e lua

Mai le Southern DHB I le afiafi ananafi o le faia o lea iloiloga tutoatasi o le a iloilo ai le faatautaiga o auaunaga mai lava I le toai taunuu o le vailaau aemaise o siaki e tatau ona faia

1576 tagata aafia I le vailaau e le I lelei ona teu ma mai le Southern DHB o le 90% o I latou o lea ua maea faatalanoa I le telefoni, ma o le 62% o I latou ua uma ona toe faia isi tui faaopoopo ese ai se vaega itiiti e le o toe mananao e faia nisi tui

O le aso muamua o Tesema o le tausaga talu ai seia oo mai I le aso 28 o Ianuari o le tausaga nei o le piriota lea I Queenstown Lakes ma Central Otago faapea nisi o faletalevai sa faia ai tui ua fesiligia le lelei atoatoa o le vailaau

O le faaiuga o le masina nei e tatau ona maua mai ai se tali a le vaega suesue ua filifili