E talitonu leoleo o nisi lipoti ua ta’ua ai na togi e se tamaitiiti 10 tausaga se maa i se taavale, o se tasi lea o mafuaaga o se mataupu na uma ane ua vevesi ma aafia ai nisi ma molia ai loa ma ni tagata matutua se toatolu i le itu i Saute i Sasae o Kuiniselani.
O loo lipotia e le 9News i le asō, o le tamaitiiti 10 tausaga lea na taumafai nisi e ave faamalosi i se taavale ma o videos la mai le faalavelave lea i le Aso Faraile talu ai i Logan o loo faailoa ai nisi o le aiga o lea tamaitiiti o loo tamomoe ane agai i se taavale SUV ma taumafai e aveese mai le tamaitiiti o loo iai i totonu.
Fai mai le lipoti o alii sa i totonu o le taavale sa faaauupegaina i agaese ma o le taimi lea o finauga na faaoolima ai i le tamā o le tamaitiiti e pei ona feta’ua’ina ae aafia ai ma le aao o le tina o le tamaitiiti ua alu ai luga le taavale.
Na mafai ona faasaoloto le tamaitiiti ae sosola ese le aualii ia i le latou taavale ma maua ai loa e leoleo mulimuli ane, pueina ma molia.
O loo faia pea suesuega i le mataupu ae ua toe faatasi le tamaitiiti ma lona aiga.
Puna o Faamatalaga: https://www.9news.com.au/national/three-adults-charged-over-alleged-child-kidnapping-in-queensland/032dab6d-58a5-43b6-86bc-29483b822c45
