Ua faailoa e le alii fusu Samoa o loo i Ausetalia ia Jai Opetaia e toe foi mai i se tulaga aupito sili lona malosi pe a mae’a nisi o taotoga faafomai mo lona tino.
I ripoti a le Samoa Global e faapea o le vaiaso nei na faia ai lenei taotoga mo le alii fusu ona faatoa mafai lea ona faailoa mai nisi o faamaumauga e faatatau i lana fusuaga ma le EBU Cruiserweight Champion ia Mateusz Masternak.
Faailoa e Jai ua leva ona tulai mai se faaletonu i lona tau’au peitai e lei mafai ona faailoa, e ui i lea o se gaioiga e tatau ona faatino ma ua sauni foi o ia e toe foi i le maea fusu pe a mae’a lona taotoga.
“I’ll be coming to collect the rest of my belts”
E pei ona silafia o le alii o Jai ua tele ana fusuaga faapolofesa ua mae’a ma na manumalo uma i nei taaloga.
O se tasi o alo o le atunuu o loo fai ma avefu’a e le gata o Samoa ae faapea foi Ausetalia.
