Ua folafola e le faigamalo a Ausetalia le faia o ni sā poo sanctions faasaga i le alii Lusia o Aleksandr Ermakov ona o lana matafaioi i le mataupu o le Medibank private breach, se tulaga na aafia ai faamatalaga.
O le uluai taimi lenei ua faia ai e le malo ni ituaiga sa faapea o cyber sanctions lea na amata faatulafonoina mai i le 2021 e apalai ai faasalaga tau tupe i tagata o loo aofia i ni ituaiga osofaiga tetele faapea i luga o le initaneti.
O faamatalaga e patino i tagata e 9.7 miliona o paaga a le Medibank na gaoia i osofaiga ia i le 2022 ma le tele o ia faamaumauga ua faasalalauina i luga o upega tafailagi pogisa poo le dark web.
Ua faailoa ai la e le faigamalo ua iloa i suesuega o le tagata lea o Aleksandr Ermakov sa feagai ma ia osofaiga.
Ua faailoa foi e le minisita o le va i fafo, Penny Wong ua iai foi sā ua faia o counter terrorism sanctions ua faia faasaga i tagata e toa 12 e iai sootaga i le kulupu a le Hamas, Hezbollah ma le Palestinian Islamic Jihad.
