Ua molia nei se alii i le umia o le silia ma le 400 o auupega e faasāina ua fuafua e aveina atu i Melepone mo kegi ae maua lelei e leoleo ia latou osofaiga i le itu i Saute i Sasae o le aai.
O Oketopa o le tausaga na tea nei na maua ai e leoleo o auupega e aofia ai samurai sword, zombie knives atoa ai ma fualaau faasāina o le aisa, mariuana ma sikaleti faapea ma vapes.
Na pueina la se alii e 52 tausaga mai Cranbourne North ma ua feagai nei ma moliaga a e 140, o loo feta’ua’ina lona faatauina o ia auupega agai i kegi i faaitu o Dandenong i Melepone e pei ona faamaonia i se lipoti mai leoleo i Victoria.
O le aso 16 o Iulai ua fuafua e tulai ai i le faamasinoga.
Puna o Faamatalaga: https://www.nzherald.co.nz/world/charges-laid-over-hundreds-of-weapons-bound-for-melbourne-gangs/ONJOJRY6QZDGFE4DBN4N6OMCVA/
