Tapena le tetee a tausi soifua i Dargaville ona o le popole i le leai o se aufaigaluega e aofia ai ma le leai o se foma’i.
O tausi soifua nei o loo i lalo o le New Zealand Nurses Organisation ma o le sini o lea tetee o le faaleo mai lea o lo latou lē fiafia.
E na o le tasi le itula o le tetee lea ua fuafua e faia i le Aso Tofi o le vaiaso a sau e amata mai le ta o le tasi i le aoauli.
O tausi soifua nei o loo galulue i le falema’i i Dargaville poo le falema’i lenei e leai se foma’i i taimi o le po, ma e lē o faigofie i tausi soifua le faia ai na o i latou o le galuega e aunoa ma se foma’i.
O lea foi o loo faaaogā fesoota’iga o loo tauala mai telehealth poo le auina atu o gasegase tigaina i le falema’i i Whangarei.
O le tala mai tausi soifua ua sauni e tetee, ua lē lavā galulue ma le fefefe ma le lē mautonu.
Puna o Faamatalaga: Nurses at Dargaville Hospital to strike over concerns about lack of doctors after-hours | RNZ News
