E toalua ni tagata faigaluega ua faasee ese ma o la tofiga a o faia se suesuega i le pepe e 16 masina na tuu na o ia i totonu o se nofoaga Daycare i Perth.

O le pepe e pei ona lipotia e le 9News sa faamoe e le aufaigaluega i le nursery, le nofoaga e tuu ai pepe ae faapea le lipoti na tapuni lava le nofoaga lea i Mirrabooka i le Aso Gafua o le vaiaso talu ai ae o loo iai le pepe i totonu.

E taunuu atu le tina o le pepe e piki ae vaaia ua tapē molī o le nofoaga ma taloka faitoto’a ma saili ai loa se fesoota’iga ma le aufaigaluega.

Na taunuu ane se tasi o le aufaigaluega i se taimi mulimuli ane ma iloa ai le pepe o loo moe pea i le nursery e lei afaina.

Ua faia se iloiloga a le auaunaga lea a le Busy Bee ma faasee ese ai le aufaigaluega e pei ona ta’ua a o faia le suesuega.

Puna o Faamatalaga: https://www.9news.com.au/national/mirrabooka-busy-bees-baby-left-alone-inside-daycare-prompts-investigation/7e7d2a8e-2597-4d92-8ede-2ce30f59a46e