Ua toe sau le isi tala o le faaopoopo o isi tagata vāea a le Tertiary Education Commission.
O fuafuaga nei ua fofola mai ma o lea foi na faailoa i le aufaigaluega ananafi, ma o le aofa’i o loo iai nei e faapea e 22 tagata faigaluega.
O le to’a 22 ua faailoa mai e ese lea mai le to’a 28 na vāea ia Aperila o le tausaga talu ai.
Afai ae taunuu le vāea fou ua faailoa mai o le a faasao mai ai le $12 miliona mai le paketi a le komisi.
O se tasi lenei o vāea e fesoota’i ma fuafuaga a le malo lea e tuli e matāgaluega ma pulega eseese o loo i lalo o lana faamalumaluga tupe faasao, ma e oo mai i le taimi nei ua lata i le 10,000 tagata galulue ua vāea talu ona tula’i mai le faigamalo o loo iai.
Ua faasolo nei faatalanoaga i le va o le komisi ma lana aufaigaluega e pei ona amata ai i le aso ananafi, ma e faamoemoe e maua le faai’uga e le’i uma Me.
Puna o Faamatalaga: More job losses likely at Tertiary Education Commission due to budget cuts | RNZ News
