O le aso o loo talia ai se faaiuga a Niu Sila I le toe faaauau o le feoai saoloto ma Perth, I sisifo o Ausetalia
O le aso lea e faamuta ai tapu o Perth I le maea ai o aso e tolu e le I toe maua nisi cases fou o le Koviti I le komiuniti
O le faamaoniga lea mai le minisita o le Koviti, Chris Hipkins o se taimi o lenei aso e toe fofoga mai ai poo le a se faaiuga a le malo
O le toe tapu o Perth na sau ai I le lona 5 o aso talu ona faatoa toe tatala le feoai saoloto I le va o Niu Sila ma Ausetalia, ma o le afiafi o le Aso Faraile talu ai lea na amata taofia ai loa
Ua faamautinoa foi e le minisita o loo maualalo lava le tulaga ono lamatia o Niu Sila ona o le toe aliae o cases I Perth
O le talia ai o le faaiuga a le malo I le aso o loo talia ai ma le ono taunuu poo le le faataunuuina o le faigamalaga o loo fuafua mo ananei
Ae I se isi tala lata mai I tagata toalua ua taua o casual contacts a le case I Perth lea na faimalaga mai I Niu Sila, o le aso foi e maua mai ai tala I faaiuga o o laua siaki
E le I aafia faigamalaga saoloto I le va o Niu Sila ma isi setete o Ausetalia ona o le tapu a Perth
