Ua faaalia le lē fiafia o tagata o loo nonofo i Dargaville ona o faasāsāga ua faia nei i le faaaogāina o le suavai.
O le lē fiafia o i latou e faapea e mafua ona o le lē fuafua mamao mai o fuafuaga nei, peitai fai mai le puleganuu a Kaipara o loo ia tuua’ia ai le fesuisuia’i o faiga faavale a le malo.
O le aso ananafi lea na amata aloa’ia ai le faasāsāga i le faaaogāina o le suavai mo Dargaville, ma o lea foi e sau o le level three, poo le maualuga lenei e matua’i sā ai aiga ona faaaogā faagaau, sprinklers ma e matua’i lē mafai ona fufulu taavale, fale ma isi.
E ui e lē fou le fai o faasāsāga i le faasoasoaina o le suavai maua a le itumalo o Kaipara, ae o le sā ua aloa’ia nei ma ua faga sa’o i le level three, ua vave faamamalu e faatusa i le tau mafanafana o le tausaga talu ai.
O Dargaville e tusa ma faamaumauga a le Northland Regional Council, e faapea e na o le 70% o le timu na masani ona pa’ū i taimi mālūlū o lenei tausaga lea na maua.
E ui i le lē fiafia o tagata ona o le mamafa o le faasāsāga ua iai toe ua vave ona aloa’ia, ae mai le puleganuu o se faai’uga ua faia ina ia mautinoa e tofusia uma tagata.
Puna o Faamatalaga: Water restrictions leave Dargaville residents frustrated | RNZ News
