Ua faia e le malo suiga i visa ua ta’ua o Accredited Employer Work Visa ina ia faafaigofie ai i pisinisi ona faafaigaluega tagata mai atunuu mamao.
O lea ua autasi le Kapeneta i lalo o aiaiga ia faia visa fou ua ta’ua o seasonal visas mai le faai’uga o le tausaga fou, ae mo Accredited Employer Work Visa o lea e aloa’ia suiga fou e amata mai ia Mati.
O suiga nei e aofia ai le aveesea o le median wage poo totogi faatapulaa sa aiaia ai lenei visa faato’ā mafai ai ona agavaa.
O lea foi o le a tuu atu i le 3 tausaga le umi e aogā ai visa mo tagata faato’ā faatalosaga mo visa ae e maualalalo agavaa ua suia ai mai le lua o loo iai nei; suiga i le auala e faasalalau ai; toe fetuutuunai le ta’iala o loo faatalosagaina ai faapea ai ma totogi e tatau ona iai ina ia mafai ai ona lagolago fanau a tagata o loo faatalosaga.
I se saunoaga a le minisita o le Immigration, Erica Stranford ananafi, na ia ta’ua ai, o ni suiga e lē gata ia faapaleni ai le sa’ili i fafo ma totonu o le atunuu ae faapea le mautinoa o loo lava tapena le faiga e faaaogā ai visa faigaluega nei.
Puna o Faamatalaga: Government makes it easier for businesses to hire migrants
